डिग्रे शाईकुमारी सहकारीको अध्यक्षमा पुन: बेदराज शर्मा चयन 

रुकुम पश्चिमको मुसिकोट नगरपालिका -१ खलंगामा केन्द्रिय कार्यालय रहेको डिग्रे शाईकुमारी बचत तथा ऋण सहकारी संस्था लिमिटेडको १९ औ बार्षिक साधारण सभा तथा सातौ अधिबेशन सम्पन्न भएको छ । 

संस्थाको अधिबेशनबाट बेदराज शर्मा पोरखरेलको अध्यक्षतामा सञ्चालक समिति चयन गरिएको छ । सहकारीका प्रबन्धक यज्ञबहादुर बिष्टका अनुसार समितिको उपाध्यक्षमा मनिषा भण्डारी रोकाय, सचिवमा ज्ञानुकुमार शर्मा र कोषाध्यक्षमा मोहबिर खड्का चयन हुनुभएको छ । 

त्यसैगरी सञ्चालक समितिको सदस्यहरुमा गोकर्ण खड्का, यज्ञबहादुर केसी, नवराज पाण्डे चयन हुनुभएको छ । अधिवेशनले प्रेमबहादुर खड्काको संयोजकत्वमा लेखा समिति समेत चयन गरेको छ । 

लेखा समितिको सदस्यहरुमा लक्ष्मण कुमार शर्मा र लालबहादुर केसी चयन हुुनुभएको प्रबन्धक यज्ञ बिष्टले जानकारी दिनुभयो । 

साधारण तथा अधिवेशनको अवसरमा आयोजित औपचारिक कार्यक्रममा सहकारीको बार्षिक आर्थिक तथाा प्रतिवेदन सार्वजनिक गरिएको थियो । 
सहकारीका अध्यक्ष बेदराज शर्मा पोखरेलले प्रगती प्रतिवेदन र कोषाध्यक्ष मोहबिर खड्काले आर्थिक प्रतिवदन प्रस्तुत गर्नुभएको थियो । दुवै प्रतिवेदन सहकारीका सदस्यहरुले पारित गरेका थिए ।

सहकारीका अध्यक्ष वेदराम शर्मा पोखरेलको अध्यक्षतमा भएको कार्यक्रममा  मुसिकोट नगर प्रमुख  महेन्द्र केसीको प्रमुख आतिथ्यता रहेको थियो । साधारण सभाको अवसरमा सहकारीमा आवद्ध विभिन्न सदस्य तथा कर्मचरीहरुलाई सम्मान समेत गरिएको थियो । 

कोषाध्यक्ष मोहबिर खड्काका अनुसार संस्थाले आर्थिक वर्ष ०८०/०८१ मा एक करोड २० लाख रुपियाँ मुनाफा गरेको छ । कुल तीन करोड सात लाख ५५ हजार २०३ रुपियाँ आर्थिक कारोवार भएकोमा एक करोड ८७ लाख ५५ हजार २०३ रुपियाँ खर्च भएको खड्काले जनाउनुभयो । 

यो सहकारीको स्थापना २०६२ साल जेठ १५ गते भएको हो । मुसिकोट खलंगामा केन्द्रिय कार्यालय रहेको यस सहकारीले रुकुमकोट, झुल्नेटा, आठविसकोट र चौरजहारीमा शाखा कार्यालय स्थापना गरेर सेवा प्रवाह गरिरहेको छ । सहकारीमा पाँच हजार ६३ जना शेयर सदस्य रहेको बताईएको छ ।