सोसल मिडिया
रुकुम पश्चिमको मुसिकोट नगरपालिकामा अनुमति बिनै सञ्चालन भएका १० वटा अटो तथा इ-रिक्सा नियन्त्रणमा लिएको छ ।
मङगलबार मुसिकोट नगरपालिकाले नगर क्षेत्रका विभिन्न स्थानबाट सञ्चालनको अनुमति नलिई चलेका १० वटा नियन्त्रणमा लिएको हो ।
मुसिकोट नगर प्रहरी सहायक निरीक्षक उमेश केसीका अनुसार बागबजार, सोलाबाङ, छिवाङ, झुल्खेत लगायतका क्षेत्रमा खटिएको नगर प्रहरीको टोलीले अटो रिक्सा नियन्त्रणमा लिएको हो ।
हाल नगरपालिकाले ५२ वटा अटो सञ्चालनको अनुमति दिएको छ । सानो बजार क्षेत्र, पार्किङको समस्या, तोकिएको संख्या पुरा भएको लगायतका कारण नयाँ रिक्सा दर्ता नहुने भनेर गत भदौ २८ गतेका दिन नगरपालिकाले एक सार्वजनिक सूचना निकालेको थियो ।
सूचनाको बेवास्ता गर्दै केहि रिक्सा नयाँ ल्याएको र केहि दर्ता बिनै सञ्चालन भएकोले नगर प्रहरीको टोलीले नियन्त्रणमा लिएको जनाएको छ । नगरपालिकाले अर्को व्यवस्था तथा निर्णय नभएसम्मका लागि नयाँ रिक्सा दर्ताको काम रोकिएको जनाएको छ ।
नगरपालिकाले अटो दर्ता नहुने बारे निकालेको सूचना :
