सोसल मिडिया
रुकुम पश्चिमको मुसीकोट नगरपालिका -१० का किसानहरुलाई मकैको मुल बिउ उपलब्ध गराईएको छ ।
मकै जोन कार्यक्रम सञ्चालन भएको यस वडाका किसानहरुलाई अनुदानमा मकैको बिउ उपलब्ध गराईएको हो । प्रधानमन्त्री कृषि आधुनिकिकरण परियोजनाले छबि बहुद्धेश्यीय सहकारी संस्थामा आबद्ध २६ जना किसानहरुलाई बिउ उपलब्ध गराएको हो ।
वडा अध्यक्ष धनबहादुर खड्काका अनुसार किसानहरुलाई ५० प्रतिशत अनुदानमा मकैको मुल बिउ वितरण गरिएको हो । उक्त बिउ वडाको खड्का टोल अन्तर्गतको झ्याङ गाउँमा उन्नत बिउ उत्पादनका लागि लगाईने उहाँले जानकारी दिनुभयो ।
उहाँका अनुसार मनकामना ३ जातको मकैको दुई सय किलो बिउ झ्याङ गाउँमा वितरण गरिएको हो । झ्याङ गाउँमा मनकामना ३ बाहेक अन्य जातको मकै नलगाईने र उत्पादित उन्नत बिउको थप बिस्तार गर्ने कार्यक्रम रहेको वडा अध्यक्ष खड्काले बताउनुभयो ।
झ्याङ गाउँमा हिउँदमा व्यवसायिक लसुन खेती हुने गरेको छ भने वर्षामा मकैको उन्नत बिउ उत्पादनको कार्यक्रम सञ्चालन गरिएको छ ।
