सोसल मिडिया
रुकुम पश्चिम । जिल्ला विपद् व्यवस्थापन समिति रुकुम पश्चिमको खातामा ३१ लाख १४ हजार १४७ रुपियाँ जम्मा भएको छ ।
कात्तिक १७ गते जाजरकोट केन्द्रबिन्दु भएर आएको बिनाशकारी भूकम्पबाट प्रभावितहरुको सहयोगको लागि उक्त रकम जम्मा भएको जिल्ला प्रशासन कार्यालय रुकुम पश्चिमले जनाएको छ ।
सहायक प्रमुख जिल्ला अधिकारी प्रवेश बढुवालका अनुसार यो रकम कात्तिक २३ गतेसम्म मात्र जम्मा भएको हो । नगद, बैंक भौचर, मोबाईल बैकिंग स्लिप कार्यालयमा उपलब्ध गराएको र बैंक स्टेटमेन्ट समेत हेर्दा विपद् व्यवस्थापन कोषमा ३१ लाख बढी रकम जम्मा हुन आएको हो ।
नगद जम्मा गरिसकेका र भौचर पठाउन छुट भएका सहयोगी दाताहरुलाई रकम जम्मा गरेको विवरण उपलब्ध गराउन प्रशासन कार्यालयले अनुरोध गरेको छ ।
सहायक प्रमुख जिल्ला अधिकारी बढुवालले कोषमा जम्मा भएको रकम विपद् पीडित उद्धार र राहत सम्बन्धी (सातौ संशोधन) मापदण्ड, २०७७ र विपद् सम्बन्धी प्रचलित कानून बमोजिक मात्र खर्च हुने बताउनुभयो । विभिन्न व्यक्ति तथा निकायले उक्त रकम जम्मा गर्नुभएको हो ।
सहयोगी दाताहरुको विवरण :
