विप्लव नेता हेमन्त प्रकाश ओली पक्राउ

प्रतिबन्धीत नेत्र विक्रम चन्द विप्लव नेतृत्वको नेपाल कम्युनीष्ट पार्टि नेकपाका नेता हेमन्त प्रकाश ‌ओली पक्राउ परेका छन् ।

मध्यकमान्ड ईन्चार्ज ओलीलाई प्रहरीले काभ्रेबाट पक्रेको हो । प्रहरीले उनीसहित ८ जनालाई पक्रेको जानकारी दिएको छ ।

पक्राउ पर्नेमा धर्मराज राजबाहक, रामकृष्ण खतिवडा, शंकर अधिकारी र विजय श्रेष्ठ, ललित तामाङ, सञ्जीव कार्की, देव घिमिरे र लोकेन्द्र खड्का रहेका छन् । 

गएराती प्रहरीले काभ्रेमा गरेको सर्च अभियानका क्रममा प्रहरीको विशेष ब्यूरो र अपराध महाशाखाको टोलीले नियन्त्रणमा लिएको हो ।