एसके एजुकेशन सेन्टरका सन्तोष खड्काद्वारा राहत कोषमा ५५ हजार ५५५ जम्मा

रुकुम पश्चिमको सानीभेरी गाउँपालिका -९ निवासी युवा व्यवसायी सन्तोष खड्काले भोटेकोसी बाढी पीडितको लागि ५५ हजार ५५५ रुपियाँ सहयोग गर्नुभएको छ । 

काठमाडौको टोखामा एस.के. एजुकेशन सेन्टर प्रा.लि. सञ्चालन गर्नुभएका खड्काले भोटेकोशीमा आएको विनाशकारी बाढीबाट प्रभावितहरुको लागि आर्थिक सहयोग गर्नुभएको हो । 

उहाँले प्रधानमन्त्री दैवी प्रकोप उद्धार कोषमा उक्त रकम जम्मा गर्नुभएको हो । खड्काले बाढी पीडितको उद्धार, राहत तथा पुनर्स्थापनाका लागि आफूले सकेको सहयोग प्रदान गरेको बताउनुभयो । 

विपत्ति र संकटको बेला आपसी भाइचारा, सहयोग र सद्भाव देखाउँदै सरकारको साथ र पीडितहरूको दुःखमा मलम लगाउन सानो सहयोग गरेका उहाँले जानकारी दिनुभयो । खड्काले यस्तो बेलामा सबैजनाले आफूले सक्ने जति आर्थिक तथा भौतिक सहयोग गर्न अनुरोध समेत गर्नुभएको छ ।

उहाँले बाढीको कारण ज्यान गुमाउनुहुने प्रति श्रद्धासुमन गर्नुहुँदै उहाँले घाइतेहरूप्रति स्वास्थ्य लाभको कामना  र बेपत्ताहरु सकुशल भेटिने आशा व्यक्त गर्नुभएको छ ।