उपचारको लागि दिल्ली गएका मुसिकोटका केसी ६ दिनदेखी बेपत्ता

भारतको दिल्लीमा उपचारका लागि गएका रुकुम पश्चिमका एक व्यक्ति बेपत्ता हुनुभएको छ । रुकुम पश्चिमको मुसिकोट नगरपालिका १ घिमाने निवासी ४४ वर्षीय पूर्णबहादुर केसी ६ दिनदेखी बेपत्ता हुनुभएको हो । 

मुसिकोट नगरपालिकामा सहायक कम्प्युटर अपरेटर पदमा कार्यरत केसी श्रीमतीको उपचारको लागि भारतको नयाँदिल्ली जानुभएको थियो । दिल्लीमा उहाँ हराउनुभएको खबर प्राप्त भएको मुसिकोट नगरपालिकाका निमित्त प्रमुख प्रशासकीय अधिकृत कुबेर केसीले जानकारी दिनुभयो ।

उहाँका अनुसार साउन २७ गते (अगस्ट १२ तारिख) का दिन देखि उहाँ बेपत्ता हुनुभएको हो । उहाँले प्रयोग गने मोबाईल कोठामै छोडेर पैसा निकाल्नको लागि एटिएममा जानुभएको र त्यसपछि परिवारको सम्पर्कमा नरहेको जानकारी परिवारजनले गराएका छन् । 

उहाँलाई १२ अगस्टका दिन दिल्लीको डोरीवाला शुद्धीपुरा, करोल बागमा दिउँसो ४ : ४२ बजेको समयमा अन्तिम पटक सिसिक्यामेरा मार्फत देखिएको थियो । 

उहाँले निलो टी–सर्ट, निलो पायजामा लाउनुभएको बताईएको छ । उहाँलाई देख्ने वा भेट्ने कसैले नजिकको प्रहरी वा आफन्जनसँग सम्पर्क गरिदिन अनुरोध गरिएको छ ।