नेभिगेशन
समाज

सल्यानको भेरी माविको विव्यसमा महिला नेतृत्व चयन

सल्यानको कुमाख गाउँपालिका वडा नम्वर १ स्थित भेरी माध्यमिक विद्यालय टाट्केचौरमा नयाँ विद्यालय व्यवस्थापन समिति चयन गरिएको छ ।

शुक्रबार विद्यालयमा भएको आम अभिभावक भेलाबाट पदम कुमारी रानाको अध्यक्षतामा नयाँ विव्यस गठन गरिएको हो ।

समितिको पदेन सदस्यमा वडा अध्यक्ष डिल्ली बहादुर राना, सदस्यहरुमा पोषण राना, लालसिङ वादी, देवी बुढाथोकी, हिरा बुढाथोकी, सुशील शाही, शिक्षक प्रतिनिधीमा प्रेमा बुढाथोकी राना र सदस्य सचिवमा  पदम बहादुर कुमाल रहनुभएको छ ।  

आशा रानाको अध्यक्षतामा भएको कार्यक्रममा कुमाख गाउँपालिका वडा नम्वर १ का वडा अध्यक्ष डिल्ली बहादुर रानाको प्रमुख आतिथ्यता रहेको थियो । त्यसैगरी  गाँउपालिकाको शिक्षा शाखा अधिकृत दिपक चन्द, पूर्व विव्यवस सदस्य डम्बर बहादुर शाही लगायत अभिभावक, शिक्षक र स्थानीय बुद्धिजिवीहरुको उपस्थिति रहेको थियो । 

589579309_1340959917250807_1348604990448638675_n-1764430893.jpg
 

प्रकाशित मिति:
प्रतिक्रिया दिनुहोस्
थप समाज