नेपालगन्जबाट रुकुम पश्चिम आउँदै गरेको फोर्स गाडी दुर्घटना, बालकसहित पाँचजना घाइते
नेपालगन्जदेखि रुकुमपश्चिम तर्फ जाँदै गरेको फोर्स गाडी सल्यानमा दुर्घटना हुँदा पाँच जना घाइते भएका छन् । राप्ती राजमार्गअन्तर्गत छत्रेश्वरी -६ शिवगुफा नजिकै गएराति करिब १२ बजे गाडी दुर्घटना परेको थियो ।
नेपालगन्जबाट रुकुमपश्चिम तर्फ जाँदै गरेको लु.प्र.०१–००१ ख ०७०६ नम्बरको फोर्स गाडी दुर्घटना हुँदा गाडीमा सवार १२ जना यात्रुमध्ये पाँचजना घाइते भएको जिल्ला प्रहरी कार्यालय सल्यानले जनाएको छ ।
घाइते हुनेहरुमा रुकुम पश्चिमको सानिभेरी गाउँपालिका ११ बस्ने वर्ष ४० का डिल्लीबहादुर खत्री, ५२ वर्षीय भीमबहादुर डाँगी, सानोभेरी, १ का ४८ वर्षीय वीरबहादुर खड्का, उहाँकी श्रीमती ४८ वर्षीया धनसरी खड्का र सल्यानको दार्मा गाउँपालिका, २ निवासी निमा केसीको दुई वर्षीय छोरा जनक देवकोटा रहेको प्रहरीले जनाएको छ ।
उनीहरू सबै श्रीनगरस्थित अस्पतालमा उपचारपछि डिस्चार्ज भएको पनि जिल्ला प्रहरी कार्यालयको सञ्चार शाखाले जनाएको छ ।
चालक जिल्ला रुकुम पश्चिम सानिभेरी ८ बस्ने २३ वर्षीय दीपक केसी तथा गाडीका कागजात नियन्त्रणमा लिएर दुर्घटनाबारे अनुसन्धान भइरहेको प्रहरीले जनाएको छ ।
रुकुममा ट्याक्टर दुर्घटना हुँदा चालकको मृत्यु
रुकुम पूर्वमा अटो र मोटरसाईकल ठोक्किँदा सात जना घाईते
झारमारे जीप दुर्घटनामा सात जनाको घटनास्थलमै र एक जनाको उपचारको क्रममा मृत्यु (विवरणसहित)
रुकुममा जीप दुर्घटनामा मृत्यु हुनेको संख्या सात पुग्यो, १० जना घाईते
झारमारे दुर्घटना : पाँच जनाको घटनास्थलमै मृत्यु, चालकसहित ६ जनाको अवस्था गम्भिर
मुसिकोटबाट स्यालाखदी जाँदै गरेको गाडी झारमारेमा दुर्घटना
