प्रकाशकीय : मूलपाटी डटकम पाँचौं वर्षको यात्रामा 

आज घटस्थापना अर्थात विधिपूर्वक घडा स्थापना गरी त्यही घडामाथि शक्तिस्वरुपा दुर्गाको पूजा आराधना गरिने दिन । सत्यको विजय भएको घटस्थापनाको पावन दिन, नेपालीहरूको महान चाड बडादसैँको पहिलो दिनसँगै मूलबाटो मिडिया प्रा.लि. ले सञ्चालन गरेको मूलपाटी डटकम आफ्नो पाँचौं वर्षमा प्रवेश गरेको छ।

कर्णालीको रूकुम पश्चिममा मुख्यालय रहेर सुरु गरिएको यस अनलाइनले छोटो अवधिमै पाठकको विश्वास, शुभेच्छुकहरूको माया र आफ्नो पहिचान बनाउन सफल भएको छ।

विगत चार वर्षको यात्रामा हामीले ग्रामीण जीवनशैली, सामाजिक यथार्थ, अनियमितताविरुद्धको आवाज र तथ्यमा आधारित समाचारलाई प्राथमिकतामा राख्दै आएका छौँ। यही कारण मूलपाटी डटकम आज विश्वासिलो, उत्तरदायी र जनपक्षीय अनलाइनका रूपमा स्थापित भएको छ।

यो उपलब्धि सजिलो छैन। सीमित स्रोत, भौगोलिक चुनौती र कठिनाइबीच पनि सत्य र निष्पक्ष पत्रकारिताको अभ्यासलाई निरन्तरता दिँदै आएका छौँ। हाम्रो यात्रा सम्भव भएको छ - तपाईं पाठक, शुभेच्छुक र सहकर्मीहरूप्रति आभारसहित।

मूलपाटी डटकम पाँचौं वर्षसँगै अझ सत्यनिष्ठ, जिम्मेवार र पठनिय पत्रकारिताका लागि निरन्तर समर्पित रहनेछ। हाम्रो यात्रा तपाईं हाम्रो साझा हो। यही एकताको बलमा हामी अझ सबल, व्यवस्थित र आकर्षक रूपले अघि बढ्नेछौँ।

आजको दिनसम्म हामीलाई हरतवरले साथ दिनुहुुने सूचनादाता, विज्ञापनदाता, पाठक तथा शुभचिन्तक लगायत आम सरोकारालाई हार्दिक धन्यवाद ज्ञापन गर्दछौ। 
- मूलबाटो मिडिया प्रा. लि. परिवार