रुकुम पश्चिममा चट्याङ लागेर चार जना घाइते

रुकुम पश्चिमको आठबिससकोटमा चट्याङ लागेर चारजना घाइते भएका छन्।

गएराती आठबिसकोट नगरपालिका १४ ज्यामिकोटस्थित गोर्खे महताराको घरमा चट्याङ लाग्दा उहाँकी छोरी २२ वर्षीया सुनिता महतारा गम्भीर घाइते हुनुभएको छ ।

स्थानीय जनविकास माविका शिक्षक दीपक संगम थापाका अनुसार चट्याङ लागेर विद्यालयका शिक्षक खिमानन्द चन्द, विद्यालयका छात्राहरू भवानी मल्ल र निरुता मल्ल घाइते हुनुभएको छ । उहाँहरूलाई स्थानीय मेडिकलमा उपचार गरिएको छ ।

चट्याङले स्थानीय चन्द्रे मल्लको घरमा जडान गरेका सोलार र बिजुलीका तार समेत जलेको थापाले जानकारी दिनुभयो ।