दुई रुकुमसहित १३ जिल्लाका सिडिओको सरुवा

सरकारले रुकुम पश्चिम र रुकुम पूर्वसहित १३ जिल्लाको प्रमुख जिल्ला अधिकारी (सिडिओ) हेरफेर गरेको छ। 

गृह मन्त्रालयले रुकुम पश्चिमका सिडिओ कुलबहादुर जिसी र रुकुम पूर्वका सिडिओ रुद्र प्रसाद न्यौपानेसहित १३ जनाको सरुवा गरेको हो । जिसी र न्यौपानेको सरुवा गृह मन्त्रालयमा भएको छ । 

काठमाडौंको सिडिओमा छविलाल रिजाललाई सरुवा गरेको हो। काठमाडौंका सिडिओ ऋषिराम तिवारीलाई भने गृह मन्त्रालयमा तानिएको छ। 

त्यस्तै सोलुखुम्बु, रसुवा, मनाङ, बाजुरा, मुगु, म्याग्दी, कालिकोट, ताप्लेजुङ, डोल्पा र हुम्लाको सिडिओ हेरफेर गरिएको छ । ती जिल्लामा रहेका सिडिओहरू अनोजकुमार घिमिरे, अर्जुन पौडेल, मातृका आचार्य, मेघनाथ पाध्या, कमलप्रसाद पाण्डे, गुरुदत्त ढकाल, नारायणप्रसाद भट्टराई, नेत्रप्रसाद शर्मा, रोमबहादुर महत र नारायण पाण्डेयलाई गृहमा तानिएको छ।

त्यस्तै गणेशप्रसाद पौडेललाई बाजुरा, लिलाकुमारी केसी पाण्डे सोलुखुम्बु, राजेश पन्थीलाई रसुवा, नवराज पौडेललाई मनाङ, शिवराज सेढाइलाई ताप्लेजुङ, खडानन्द खत्रीलाई मुगु, सिता परियारलाई रुकुम पूर्व, बद्रीप्रसाद तिवारीलाई म्याग्दी, गोकर्ण राज सुयल कालिकोट, दिनेशप्रसाद थानीलाई रुकुम पश्चिम, भीमराज कोइरालालाई डोल्पा र टेककुमार रेग्मीलाई हुम्लाको सिडिओ बनाइएको छ।