नेपालगञ्जबाट चौरजहारी आउँदै गाडी सल्यानको नेटामा दुर्घटना

बाँकेको नेपालगञ्जबाट रुकुम पश्चिमको चौरजहारी आउँदै गरेको हाईस गाडी दुर्घटना भएको छ । 

आज (बिहिबार) दिँउसो १२ बजे सल्यानको कुमाख गाउँपालिका २ नेटा नजिकै भे १ ख ३९९४ नम्वरको हाईस दुर्घटना भएको हो । 

नेटा नजिकैको माथिल्लो मोडबाट गाडी दुर्घटना भएर तल्लो मोडमा पुगेको उद्धार कार्यमा रहनुभएका यात्रु ओमराज शर्माले जानकारी दिनुभयो । उहाँ अनुसार गाडी चालक पारस आचार्य सहित करिब एक दर्जन यात्रुहरु घाईते भएका छन् । घाईते मध्य केहिको अवस्था गम्भिर रहेको छ । 

ईलाका प्रहरी कार्यालय रागेचौरका प्रहरी निरीक्षक धर्मेन्द्र खड्काले दुर्घटनाको खबर लगत्तै उद्धारका लागि प्रहरी घटनास्थलतर्फ पठाईएको बताउनुभयो । 

घाईतेहरुको उद्धारको लागि चौरजहारी नगरपालिकाबाट नगर प्रहरी र एम्बुलेन्स घटनास्थलततर्फ गएको बताईएको छ । दुर्घटनाको पुरा विवरण आउन बाँकि रहेको छ । अहिले स्थानीयले घाईतेको उद्धार गरिरहेका छन् ।