डिग्रे मन्दिरमा हिमालयन बैंकद्वारा र्‍याक हस्तान्तरण

रुकुम पश्चिमको मुसिकोट नगरपालिका ५ स्थित धार्मिक तथा पर्यटकियस्थल डिग्रे शाईकुमारी मन्दिर परिसरमा र्‍याक व्यवस्थापन गरिएको छ । 

हिमालयन बैंक लिमिटेड शाखा कार्यालय मुसिकोटले मन्दिरको दर्शनका लागि भक्तजनहरुको सुविधालाई ध्यानमा राखेर जुत्ता, चप्पल राख्ने र्‍याक हस्तान्तरण गरेको हो । 

बैंकको सामाजिक उत्तरदायित्वको गतिविधि अन्तर्गत उक्त सहयोग प्रदान गरेको बैंकले जनाएको छ । उक्त अवसरमा मन्दिर ब्यवस्थापन समितीका अध्यक्ष लाल बहादुर के.सी.ले अत्यावश्यक रहेको र्‍याक उपलब्ध भएको भन्दै आभार प्रकट गर्नुभयो ।

बैंकका मुसिकोट शाखा प्रबन्धक मेघराज पौडेलले सामाजिक रुपमा आम दर्शनार्थीहरुको सहजताको लागि उक्त सहयोग गरिएको जनाउनुभयो । उक्त अवसरमा हिमालयन बैंकका कर्मचारीहरु यज्ञमान खडका, दिपेन्द्र ढकाल, अशिम खत्री, मन्दिर ब्यवस्थापन समितीका पदाधिकारी र स्थानीयहरुको उपस्थिति रहेको थियो ।