खाना पकाउने बेला आगलागीमा परेर मुरुकी एक महिला घाइते

रुकुम पश्चिमको त्रिवेणीमा आगलागीमा परेर एक महिला घाइते हुनुभएको छ।

शनिबार बेलुका त्रिवेणी गाउँपालिका वडा नम्बर ६ को मुरुखोला बस्ने इन्द्रबहादुर खड्काको श्रीमती ३६ वर्षीया पूर्णकला खड्का घाइते हुनुभएको हो।

जिल्ला प्रहरी कार्यालय रुकुम पश्चिमका अनुसार आफ्नै घरमा खाना पकाउने क्रममा भएको आगलागीमा परेर खड्का घाइते हुनुभएको हो। उहाँको टाउको घाँटी र अनुहारको भागमा जलेको बताइएको छ।

घाइते खड्कालाई उपचारको लागि जिल्ला अस्पताल सल्यमा ल्याइएको र थप उपचारको लागि नेपालगञ्ज रिफर गरिएको अस्पतालले जनाएको छ।