पीडितलाई क्याम्पस प्रमुख, वडा अध्यक्ष र विव्यसद्वारा छुट्टाछुट्टै आर्थिक सहयोग

गत मंगलबार राती रुकुम पश्चिमको चौरजहारी नगरपालिका -३ टाटागाउँमा एक श्रीमानले आफ्नै श्रीमतीको हत्या गरेपछि टुहुरा अवस्थामा रहेको तीन बालबच्चाको लागि नगद सहयोग गरिएको छ । 

शनिबार विभिन्न व्यक्ति तथा निकायले पीडितको घरमै गएर नगद सहयोग प्रदान गरेका छन् । यस क्रममा शीतल क्याम्पस चौरजहारीका प्रमुख रमेश लामिछाने, वडा नम्वर ७ का वडा अध्यक्ष भिम प्रसाद जैसी र वडा नम्वर ७ स्थित आधारभूत विद्यालय नार्जीको विद्यालय व्यवस्थापन समितिले छुट्टाछुट्टै नगद रकम सहयोग गरेका छन् । 

क्याम्पस प्रमुख लामिछानेले नगद पाँच हजार, वडा अध्यक्ष जैसीले १० हजार र विव्यसको तर्फबाट अध्यक्ष भिमा थापाले नगद पाँच हजार रुपियाँ प्रदान गर्नुभएको हो । 

यस अघि पनि विभिन्न निकाय तथा व्यक्तिले पीडितको घरमै गएर सहयोग प्रदान गरेकाथिए । यसका साथै देश तथा विदेशमा रहने विभिन्न व्यक्तिहरुले पनि सहयोग पठाउन थालेका छन् ।