कलाकार तिलक परियारलाई प्रादेशिक पुरस्कार

रुकुम पश्चिमको सानीभेरी गाँउपालिका ३ निवासी गायक तथा कलाकार तिलक परियार सङ्गीत तथा नाट्य विधाको प्रादेशिक पुरस्कार प्रदान गर्ने निर्णय भएको छ ।

नेपाल सरकार संस्कृति, पर्यटन तथा नागरिक उडयन मन्त्रालयले प्रदान गर्ने चारवटा विधा मध्ये सङ्गीत तथा नाट्य विधाको प्रादेशिक पुरस्कार तिलक परियारलाई प्रदान गरिने भएको हो । उहाँ कर्णाली प्रदेशबाट उक्त पुरस्कारका लागि छनौट हुनु भएको हो । 

 सानीभेरी गाउँपालिका वडानम्बर -३, स्थायी घर भई लामो समय देखि काठमाडौँमा रहेर गीत सङ्गीत क्षेत्रमा क्रियाशिल परियार यस वर्षको प्रादेशिक प्रतिभा पुरस्कार, २०८१ बाट सम्मानित हुनेको सूचीमा पर्नुभएको हो । उहाँसँगै चारवटा विधामा ३२ जना स्रष्टाहरूलाई राष्ट्रिय तथा प्रादेशिक पुरस्कार, २०८१ बाट सम्मान गरिने छ ।

 संस्कृति, पर्यटन तथा नागरिक उडयन मन्त्रालयले राष्ट्रिय तथा प्रादेशिक प्रतिभा पुरस्कार कार्यविधि, २०७४ बमोजिम भाषा एवं साहित्य, संस्कृति विधा, सङ्गीत तथा नाट्य विधा र ललितकला विधामा सम्मान गर्दै आइरहेको छ ।

सम्मानित श्रष्टाहरूलाई मन्त्रालयले केही दिनपछि सम्मान तथा पुरस्कार प्रदान जनाएको छ ।