रुकुम पूर्वमा दुई मोटरसाईकल ठोक्किदा स्वास्थ्यकर्मी ओलीसहित दुई जना घाईते
बुधबार रुकुम पूर्वको सिस्ने गाउँपालिका वडा नम्बर ५ धौलापहिरा दुई मोटरसाइकल ठोक्किदा दुई जना घाइते भएका छन् ।
रुकुमकोटबाट मध्यपहाडी लोकमार्ग हुँदै भूमे गाउँपालिकाको खाबाङ तर्फ जाँदै गरेको रा ७ प १२६२ नम्बरको मोटरसाइकल र विपरित दिशाबाट आउँदै गरेको बा २९ प ४४२७ नम्बरको मोटरसाइकल एक आपसमा ठोक्किदा दुबै मोटरसाईकलका चालक घाईते भएको प्रहरीले जनाएको छ ।
जिल्ला प्रहरी कार्यालय रुकुम पूर्वका अनुसार दुर्घटनामा रुकुम पश्चिमको त्रिवेणी गाउँपालिका वडा नम्बर १० का २७ वर्षीय हेमराज ओली गम्भिर घाईते हुनुभएको छ । उहाँको टाकोमा चोट लागेको छ ।
त्यस्तै बा २९ प ४४२७ नम्बरको मोटरसाइकल चालक रुकुम पूर्वको भूमे गाउँपालिका वडा नम्बर ५ धौलापहिराका २५ वर्षीय कृष्ण खत्रीको शरीरमा चोट लागेको र अवस्था सामान्य रहेको प्रहरीले जनाएको छ ।
घाइते दुवै जनाको जिल्ला अस्पताल रुकुमकोटमा उपचार भइरहेको प्रहरीको भनाई छ । गम्भिर घाईते ओलीलाई थप उपचारका लागि जिल्ला बाहिर लिने तयारी भईरहेको छ ।
घाईते ओली स्वास्थ्यकर्मी हुनुहुन्छ । उहाँ स्वास्थ्य चौकी महतमा सिअहेब पदमा कार्यरत हुनुहुन्छ ।
बाँफिकोटमा जिपले च्यापिएका बालकको घटनास्थलमै मृत्यु
रुकुम पूर्वको तातोपानीमा मोटरसाईकल दुर्घटना हुँदा एक जनाको मृत्यु, एक घाईते
सानीभेरीमा बालकसहित तीन जना चढेको मोटरसाईकल दुर्घटना, तीनै जना घाईते सुर्खेत रिफर
सानीभेरीमा जिप र सरकारी नम्वर अंकित मोटरसाईकल ठाेक्किदा दुई जना घाईते
गोतामकोटमा मोटरसाइकलको ठक्करबाट घाईते भएकी बालिकाको मृत्यु
मुसिकाेटकाे पातुखोलामा स्कुटर र सल्लेमा ट्याक्टर दुर्घटना, तीन जना घाईते
