रुकुम पूर्वको तातोपानीमा मोटरसाईकल दुर्घटना हुँदा एक जनाको मृत्यु, एक घाईते

रुकुम पूर्वको सिस्ने गाउँपालिका ४ तातोपानी नजिकै मोटरसाईकल दुर्घटना हुँदा एक जनाको मृत्यु भएको छ । सोहि दुर्घटनामा परेर एक जना घाईते हुनुभएको छ । 

तातोपानी माथिको गोरेटो बाटोमा बाईक दुर्घटना हुँदा सिस्ने गाउँपालिका ३ निवासी ४५ वर्षीय दल प्रसाद सुनारको घटनास्थलमै मृत्यु भएको नेकपा (एमाले) जिल्ला कमिटी रुकुम पूर्वका अध्यक्ष लिलामणी गौतमले जानकारी दिनुभयो । 

उहाँका अनुसार धाउने बजारबाट पोखरा गाउँतर्फ जाँदै  गरेकाे रा ३ प ४५३४ नम्बरकाे माेटरसाइकल माटो सहितको लेदोमा दुर्घटना भएको हो । सुनारको साथमा रहनुभएका अर्का एक जना भने घाईते हुनुभएको छ । सिस्ने गाउँपालिका ३ का उपेन्द्र खत्री घाईते हुनुभएको हो ।  

जिल्ला प्रहरी कार्यालयका प्रहरी नायब उपरीक्षक (डिएसपी) उमाशंकर प्रसाद यादवका अनुसार घटनास्थलतर्फ प्रहरी परिचालन भएको छ । दुर्घटनाको पुरा विवरण नआएको प्रहरीले जनाएको छ ।