भारतमा ज्यान गुमाएका जुम्लाबाङका प्रेमलालको परिवारलाई वडा कार्यालयद्वारा सहयोग प्रदान

रोजगारीको लागि भारतको गोवामा रहनु भएका रुकुम पश्चिमको मुसिकोट नगरपालिका -१२ जुम्लाबाङका प्रेमलाल ओलीको गोवामै असामयिक निधन भएको छ । गत असार ११ गते उहाँको निधन भएको हो । 

दुखमा रहनुभएका ओलीको घरपरिवारलाई मुसिकोट नगरपालिका वडा नम्वर १२ को कार्यालयले सहयोग प्रदान गरेको छ । 

शनिबार उहाँको घरमा नगर उपम्रमुख बिमल कुमार पुन, वडा अध्यक्ष धिरण सिर्पालीसहित जनप्रतिनिधि, कर्मचारी र स्थानीयहरुको टोली पुगेर जिन्सी सामाग्रीसहित नगद रकम सहयोग गरिएको छ । 

वडा अध्यक्ष सिर्पालीका अनुसार वडा कार्यालयको तर्फबाट सहयोग स्वरूप चामल, फाईवर सिरक र डस्ना सहित करिब नौ हजार बराबरको जिन्सि सामाग्री र १९ हजार नगद रुपियाँ हस्तान्तरण गरिएको छ । 

नगर उपप्रमुख बिमल कुमार पुन, समाजसेवी खिम बहादुर ओलि लगायतको उपस्थितिमा हस्तान्तरण गरिएको सामाग्री र नगद रकम वडा कार्यालय, वडा अध्यक्ष तथा सदस्यहरु, वडा सचिव, स्वास्थ्य कार्यालयका कर्मचारीहरुको तर्फबाट स्वैच्छिक रुपमा संकलन भएको हो । 

मृतक ओली सहिद पुत्र समेत हुनुहुन्छ । उहाँको आमा खलसरी ओलीको २०६१ साल चैत्र  २६ गते तत्कालिन द्वन्द्वको समयमा हत्या भएको थियो ।