पहिरो हटाएपछि राप्ती राजमार्ग सुचारु

राप्ती राजमार्ग सुचारु भएको छ । गए राती परेको वर्षापछि कपुरकोट गाउँपालिका–३ चोर खोलामा झरेको पहिरोका कारण अवरुद्ध भएको राप्ती राजमार्ग सुचारु भएको हो बिहान करिब ४ः४० बजे खसेको पहिरोले राजमार्गका दुवै लेन ढाकिएको थियो, जसले गर्दा सयौँ यात्रु तथा सवारी साधनहरू दुबैतर्फ रोकिएका थिए।

सडक विभागको मेसिन समयमै नपुगेपछि राप्ती राजमार्ग स्तरोन्नति परियोजनामा संलग्न निर्माण व्यवसायीको जेसिबी प्रयोग गरेर पहिरो पन्छाउने काम गरिएको हो। करिब तीन घण्टाको प्रयासपछि सडक पूर्ण रूपमा सञ्चालनमा आएको जिल्ला प्रहरी कार्यालय सल्यानका डिएसपी केशर न्यौपानेले जानकारी दिनुभयो।

साना सवारीसाधनका लागि वैकल्पिक मोटर बाटो प्रयोग गराइएको भए पनि हाल सबै प्रकारका सवारी साधनका लागि मार्ग खुला गरिएको प्रहरीले जनाएको छ।