मुसिकोट १० का उत्कृष्ट विद्यार्थी पुरस्कृत

रुकुम पश्चिमको मुसिकोट नगरपालिका वडा नम्वर १० स्थित वडा शिक्षा समितिले उत्कृष्ट विद्यार्थीहरुलाई पुरस्कृत गरेको छ । 

समितिले शैक्षिक सत्र २०८१ मा उत्कृष्ट हुने तीन विद्यालयका एक एक जना विद्यार्थीहरुलाई पुरस्कृत गरेको हो । 

वडा अध्यक्ष धनबहादुर खड्काका अनुसार वडामा रहेका तीन वटा विद्यालयका तीन जना विद्यार्थीलाई कापी र कलम प्रदान गरेर पुरस्कृत गरिएको हो । 

पुरस्कृत हुनेहरुमा मालिका माध्यमिक विद्यालय चुनका जेनीशा खडका, जनता आधारभूत विद्यालय गलम्पाटीका कुशिला कवंर र शान्ति नमूना आधारभूत विद्यालय डेलडाँडाका बिमल कराला रहेका छन् । 

विद्यालयमै उत्कृष्ट विद्यार्थीहरुको हौसला र सम्मान स्वरुप पुरस्कृत गरिएको हो । आज वडा कार्यालयमा भएको शैक्षिक गुणस्तर अभिबृद्धिका लागि उपलब्धि परिक्षण परीक्षाको प्रतिवेदन सार्वजनिक कार्यक्रमका बिच विद्यार्थीहरुलाई पुरस्कार वितरण गरिएको हो । 

यस वडामा शैक्षिक गुणस्तर सुधारका लागि एक कार्यदल निर्माण गरेर विभिन्न गतिविधिहरु भईरहेका छन् । आज भएको कार्यक्रममा वडा अध्यक्षसहित जनप्रतिनिधिहरु, शैक्षिक गुणस्तर सुधारका लागि गठित कार्यदलका सदस्यहरु, तीन वटै विद्यालयका प्रधानाध्यापकहरु, शिक्षक तथा विद्यार्थीहरुको उपस्थिति रहेको थियो । 

वडा कार्यालयले शिक्षा र कृषि क्षेत्रलाई प्राथमिकतामा राखेर काम गरिरहेको जनाएको छ ।