आठविसकोटमा महोत्सव सुरु

रुकुम पश्चिमको आठविसकोट नगरपालिका -९ स्थित राडी बजारमा मंगलबारबाट दोस्रो आठविसकोट पर्यटन, व्यापार तथा सांस्कृतिक महोत्सव सुरु भएको छ । 

राष्ट्रिय लोक तथा दोहोरी गीत प्रतिष्ठान जिल्ला कार्यसमिति रुकुम पश्चिमको आयोजनामा आजदेखि सुरु भएको महोत्सव वैशाख २७ गतेसम्म संचालन हुने बताईएको छ । महोत्सवको  कर्णाली प्रदेशका पूर्व मन्त्री रातो कामीले उद्घाटन गर्नुभएको हो । 

प्रतिष्ठानका अध्यक्ष तुल देवकोटाका अनुसार महोत्सवमा करिव ५० बढी  व्यापारिक स्टल रहेका छन् । महोत्सव स्थलभित्र स्थानीय भेषभुषा, कला संस्कृति, खानपान लगायतको प्रर्दशनी समेत हुनेछ । 

जिल्लाको समग्र पर्यटन विकास तथा सांस्कृतिक विविधताको प्रदर्शनका लागि महोत्सवको आयोजना गरिएको अध्यक्ष देवकोटाले जानकारी दिनुभयो ।

महोत्सवमा नायक पल शाह, जिवन शर्मा, विष्णु खत्री, ज्योती मगर, पुष्कल शर्मा, बद्री पगेंनी, एलिना चौहान, लगायत  अन्य राष्ट्रिय तथा स्थानीय स्तरका कलाकारहरुको प्रस्तुती रहने बताइएकाे छ ।