सोसल मिडिया
अमेरिकामा लुटेरा समुहको गोली प्रहारबाट मृत्यु भएका रुकुम पश्चिमका दिपक ओलीको परिवारको सहयोगका लागि अमेरिकामा सहयोग संकलन सुरु गरिएको छ ।
अमेरिकामा रहेका नेपालीहरुले मिलेर दिपकको परिवारको राहत र पार्थिव शरिर अन्त्यष्टिको लागि रकम संकलन सुरु गरिएको हो ।
बाँफिकोट गाउँपालिका वडा नम्वर १० सेजे घर भई अमेरिकाको टेक्सासस्थित एक ग्याँस स्टेशननमा कार्यरत ३० वर्षिय दिपकको आईतबार बिहान हत्या भएको थियो । बन्दुकधारी लुटेराहरुको गोली प्रहारबाट घटनास्थलमै मृत्यु भएपछि त्यहाँस्थित नेपालीहरुले परिवारको सहयोगका लागि रकम संकलन सुरु गरेका छन् ।
रकम संकलन अभियानमा जोडिनु भएका बाँफिकाट गाउँपालिका –६ मग्माका गोर्ख कुसारीका अनुसार अभियान सुरु गरेको सात घण्टामै करिब ५० हजार अमेरिकी डलर अर्थात करिब ६५ लाख नेपाली रुपियाँ संकलन भएको छ ।
अमेरिकामा रहेका नेपालीहरु मिलेर स्थापना गरेको गो फन्ड र ग्रुप मार्फत उक्त रकम संकलन भएको हो । अभियान सुरु गरेको दिनमै ४५० जनाले ६५ लाख रुपियाँ जम्मा गरेको उहाँले जानकारी दिनुभयो । उहाँका अनुसार करिब एक करोड रुयियाँ जम्मा गरेर मृतक दिपकको घरपरिवारलाई उक्त रकम उपलब्ध गराईने छ ।
मृतकका आफन्तहरुका अनुसार करिब ८० लाख रुपियाँ खर्च गरेर दिपक गत वर्ष अमेरिका पुगेका थिए । ऋण कारेर अवैध बाटो अमेरिका पुगेका दिपकको परिवारलाई सहयोगका लागि अमेरिकामा रहेका मनकारी र सहयोगी नेपालीहरुले सहयोग अभियान सञ्चालन गरेका हुन् । सहयोग रकम जम्मा गर्न बाँकि र ईच्छुकहरुलाई रकम जम्मा गर्न अनुरोध गरिएको छ ।
मृतक दिपकको घरमा बुवा, आमा, श्रीमती, पाँच वर्षिया छोरी, दुई भाई र एक बहिनी हुनुहुन्छ ।
सम्बन्धित समाचार ...
