सोलाबाङका गिरी भारतमा बेपत्ता

रुकुम पश्चिमको मुसिकोट नगरपालिका -४ सोलाबाङका एक पुरुष भारतमा हराउनुभएको छ । 

सोलाबाङका ४३ वर्षीय नेपबहादुर गिरी साउन १८ गते आईतबार भारतको रामपुरबाट हराउनुभएको हो । 

उहाँको परिवारका सदस्यहरुले दिनुभएको जानकारी अनुसार रोजगारीको लागि भारतको रामपुरमा रहनुभएका उहाँ आईतबारदेखि परिवार तथा आफन्तको सम्पर्कमा आउनुभएको छैन ।

उहाँलाई देख्नुहुने वा फेला पार्नुहुनेले उहाँको आफन्तको मोबाईल नम्वर ९८६६१७०९६७ मा वा प्रहरी कार्यालयमा जानकारी दिन अनुरोध गरिएकाे छ ।