कविता - ओ डाक्टरसाहेब !

मूलपाटी संवाददाता
मूलपाटी संवाददाता
२०७९माघ २९
  • डा.राजकुमार भुजेल 'साजन'
 
ओ डाक्टरसाहेब
किन यतिबिघ्न हतारिनुहुन्छ बिरामीको खातिर
किन खटिनुहुन्छ दिनभर,रातभर?
किन  के का लागि पो मरिमेट्नुहुन्छ?
 
ओ डाक्टरसाहेब
किन लाग्दैन तपाईँलाई कुनै चाडपर्व?
किन समय छैन तपाईँसँग साथीसंगी परिवारको लागि?
किन के का लागि पो  मरिमेट्नुहुन्छ?
 
ओ डाक्टरसाहेब
महाराज महारानीको सवारी भइरहँदा
किन हिँड्नुपर्यो तपाईं सडकमा?
किन भर्नुपर्यो प्राण बिरामीको?
किन हुनुपर्यो जनतालाई बिरामी?
 
ओ डाक्टरसाहेब
देशमा कुनै सम्भावना नदेखेर
दिनदिनै परदेशिएका छन् त हजुरसँगैका साथीहरु
तिनै विदेशीएका पङ्क्तीसँगै किन मिसिनुभएन हजुर?
किन के का लागि पो मरिमेट्नुहुन्छ?
 
ओ डाक्टरसाहेब
के का लागि हो यतिबिघ्न स्वदेशप्रेम?
के का लागि हो यतिबिघ्न स्नेह?
के का लागि हो अहोरात्र खटनपटन?
महामारीमा होमिँदा बिरामीकै आफन्तबाट कुटिन?
अस्पताल प्रशासनबाटै पलपलमा लुटिन?
या प्रहरी मेरो साथीको दमन सहन?
या देशको कुशासन,बिसङ्गती,ज्यादतीको चङ्गुलमा फस्न?
या यी सबैबाट ग्रस्त हुँदै डिप्रेशनको सिकार हुन?
किन के का लागि पो मरिमेट्नुहुन्छ?
 
 
प्रकाशित मिति: आइतबार, माघ २९, २०७९  १४:०२
#राजकुमार भुजेल
प्रतिक्रिया दिनुहोस्
लोकप्रिय
krisi office krisi office
थप समाचार
गजल - चुहिरहने छानो जलाए के हुन्छ ?

गजल - चुहिरहने छानो जलाए के हुन्छ ?
२०७९माघ २९
कविता : माफ पाउँ साहेब !

कविता : माफ पाउँ साहेब !
२०७९माघ २९
कविता : नाङ्गो आँखा विवश छ !

कविता : नाङ्गो आँखा विवश छ !
२०७९माघ २९
मुसिकोटमा रुकुम कृषि, पर्यटन, व्यापार तथा साँस्कृतिक महोत्सव सुरु

मुसिकोटमा रुकुम कृषि, पर्यटन, व्यापार तथा साँस्कृतिक महोत्सव सुरु
२०७९माघ २९