रुकुममा अरिङ्गाल पोल्ने क्रममा रुखबाट खसेर एक जना घाइते

रुकुम पश्चिममा रूखबाट खसेर एक पुरुष घाईते हुनुभएको छ ।

मुसिकोट नगरपालिका–१ रातामाटाका ३० वर्षीय आखिराम खड्का घाइते हुनुभएको प्रहरीले जनाएको छ।
प्रहरी नायब उपरीक्षक बेदबहादुर पौडेलका अनुसार गए राती घर नजिकैको कल्देउ भन्ने स्थानमा अरिङ्गाल पोल्न सालको रुखमा चढेको बेला उहाँ रुखबाट खस्नु भएको हो । उहाँ रुखबाट करिब १० मिटर तल खस्नु भएको थियो ।
दुर्घटनामा खड्काको मेरुदण्डमा गहिरो चोट लागेको छ भने शरीरका विभिन्न भागमा समेत चोट लागेको छ ।
घाइतेलाई उपचारका लागि जिल्ला अस्पताल सल्ले ल्याइएको थियो। त्यहाँ सामान्य उपचारपछि थप उपचारका लागि भेरी अस्पताल नेपालगञ्ज, बाँके रिफर गरिएको जिल्ला प्रहरी कार्यालय रुकुम पश्चिमले जनाएको छ।
अस्पताल स्रोतका अनुसार खड्काको अवस्था मध्यम रहेको छ। घटनाबारे थप अनुसन्धान भइरहेको प्रहरीले जनाएको छ।