नेभिगेशन
समाज

डोल्पाका प्रधानाध्यापक गुरुङलाई नगदसहित उत्कृष्ट प्रधानाध्यापक अवार्ड प्रदान

प्रधानाध्यापक संघ नेपालकाे राष्ट्रिय भेलाले डाेल्पाकाे एक सामुदायिक विधालयमा कार्यरत प्रधानाध्यापकलाई नगद पुरस्कार सहित “बेष्ट हेड टिचर ” अवार्ड प्रदान गरेकाे छ।

डाेल्पाकाे शे-फाेक्सुण्डाे गाउँपालिका- ३ साल्दाङ स्थित श्री शेल्री डुग्ड्रा आधारभूत विधालयमा कार्यरत ज्ञानु गुरुङलाई नगद रु दश हजार रुपैयाँ, प्रमाणपत्र सहित उत्कृष्ट प्रधानाध्यापक अवार्ड प्रदान गरिएको हाे।

यहीँ मंसिर ४ गते देखि सुरु भएको जनकपुर स्थित प्रधानाध्यापक संघ नेपालकाे राष्ट्रिय भेलामा पूर्व राष्ट्रपति डाक्टर रामवरण यादवले डाेल्पाका प्रधानाध्यापक गुरुङलाई उत्कृष्ट प्रधानाध्यापक अवार्ड प्रदान गरेका हुन ।

डाेल्पाकाे त्रिपुरासुन्दरी नगरपालिका वडा नं. ३ जिउ स्थायी ठेगाना भएका  गुरुङ लामाे समय देखि शिक्षण पेशामा आवद्व छन।

प्रकाशित मिति:
प्रतिक्रिया दिनुहोस्