१४ वर्षीया बालिका बलात्कारको आरोपमा चन्द पक्राउ

जिल्ला प्रहरी कार्यालय सल्यानले १४ वर्षीया बालिकामाथि जबर्जस्ती करणी गरेको आरोपमा एक जनालाई पक्राउ गरेको छ । पक्राउ पर्नेमा दार्मा गाउँपालिका –४ निवासी ५५ वर्षीय रुद्रबहादुर चन्द रहेको प्रहरीले जनाएको छ । 

साउन १६ गते बालिका माथि जबर्जस्ती करणी गरेको आरोप चन्दलाई लागेको छ । आरोपित चन्दलाई सोमबार (साउन १८ गते ) पक्राउ गरी आवश्यक अनुसन्धानका लागि सल्यान जिल्ला अदालतबाट सात दिनको म्याद थप लिइएको जिल्ला प्रहरी कार्यालय सल्यानका प्रहरी निरीक्षक तथा सूचना अधिकारी इश्र्वर रोकायले जानकारी दिनु भयो । 

जवर्जस्ती करणी सम्बन्धी कसुरमा थप अनुसन्धान भइरहेको प्रहरीले जनाएको छ ।