राप्ती राजमार्गको ढाडेगैरामा आएको पहिरो हटाईयो 

लगातारकोे बर्षातको कारण राप्ती राजमार्ग अन्तर्गत रुकुम पश्चिमको त्रिवेणी गाउँपालिका वडा नम्वर ३ र ६ को सिमानामा पहिरो आएको छ । 

स्थानीय ढाडेगैरा भन्ने ठाउँमा आएको पहिरोको कारण सडक अवरोध भएको थियो । राजमार्ग अवरुद्ध भएको सूचना लगत्तै प्रहरी चौकी झुल्नेटाबाट प्रहरी टोली गएर सथानीयवासी समेतको सहयोगमा पहिरो पन्छाउने काम गरेको जिल्ला प्रहरी कार्यालयले जनाएको छ । 

कार्यालयका सूचना अधिकारी प्रहरी निरक्षिक झविन्द्र परियारका अनुसार अहिले पहिरो हटाएर यातायातका साधनहरु सूचारु भएका छन् । 

उहाँले वर्षाको समयमा जुनसुकै बेला पहिरो आउन सक्ने तथा सम्भावित विपद्का घटना हुन सक्ने भएकोले सडकको अवस्था बुझेर अत्यावश्यक कामको लागि मात्र यात्रा गर्न उपयुक्त रहेको जनाउनुभयो ।