गोतामकोटमा घाँसको भारीसंगै भीरबाट लडेर महिलाको मृत्यु

रुकुम पश्चिमको आठबिसकोट नगरपालिकामा घाँस काटेर घर फर्किने क्रममा एक महिलाको भिरबाट लडेर मृत्यु भएको छ।
बिहिबार दिउँसो आठबिसकोट नगरपालिका–५ मिग्री निवासी ४२ वर्षीया धनि खत्रीको मृत्युु भएको प्रहरीले जनाएको छ ।
प्रहरी नायब उपरीक्षक बेदबहादुर पौडेलका अनुसार स्थानीय नरगाउँ रातामाटा जंगलबाट घाँस काटी बोकेर फर्किने क्रममा करिब ५० मिटर तल भिरबाट लडेर खत्रीको घटनास्थलमै मृत्यु भएको हो।

घटनाबारे वडा नम्वर ५ का अध्यक्ष घनश्याम भण्डारीले प्रहरी चौकी गोतामकोटलाई जानकारी गराएपछि प्रहरी सहायक निरीक्षक बुद्धिराम वलीको कमाण्डमा तीन जनाको टोली घटनास्थलतर्फ खटिएको थियो ।
प्रहरीले घटनाबारे थप अनुसन्धान भइरहेको जनाएको छ।