जहारी क्याम्पसको स्थापना दिवसको अवसरमा वृक्षारोपण

रुकुम पश्चिमको चौरजहारी नगरपालिका -११ मा रहेको जहारी क्याम्पनको बार्षिक उतसवको अवसरमा वृक्षारोपण गरिएको छ । 

आईतबार क्याम्पसको १६औं बार्षिकोत्सवको अवसरमा वृक्षारोपण गरिएको हो । 

प्रतिनिधि सभा सदस्य गोपाल शर्माको प्रमुख आतिथ्यतामा भएको यस कार्यक्रम अन्तर्गत विभिन्न प्रजातीका ६० वटा विरुवा रोपिएको हो । 

क्याम्पस परिसरभित्र ६० प्रजातिका बिरुवा रोपिएको क्याम्पस प्रमुख शेरबहादुर डाँगीले जानकारी दिनुभयो । उहाँका अनुसार कल्की, कपुर, धुपी, मयुरपंखी लगायतका विरुवा रोपिएको हो । 

वृक्षारोपण कार्यक्रममा प्रतिनिधि सभा सदस्य गोपाल शर्मा, डिभिजन वन कार्यालयका प्रमुख बसन्त बाबु श्रेष्ठ, क्याम्पस सञ्चालक समितिका अध्यक्ष सुन्दर शर्मा लगायतको सहभागिता रहेको थियो । 

यस सँगै क्याम्पसले विभिन्न कार्यक्रम गरेर स्थापना दिवस मनाएको छ ।