रुकुम पश्चिममा ७० मिलिग्राम ब्राउनसुगरसहित दुई युवा पक्राउ

रुकुम पश्चिममा लागु औषध (ब्राउनसुगर) सहित दुई जना पक्राउ परेका छन् । 

जिल्ला प्रहरी कार्यालय रुकुम पश्चिमले जिल्लाको त्रिवेणी गाउँपालिका २ सिम्रुतुबाट दुई जनालाई नियन्त्रणमा लिएको जानकारी दिएको छ । 

जिल्ला प्रहरी कार्यालयका सूचना अधिकारी प्रहरी निरीक्षक झविन्द्र परियारका अनुसार पक्राउ पर्नेहरुमा रुकुम पश्चिमको त्रिवेणी गाँउपालिका -२ सिम्रुतु बस्ने २९ वर्षीय कमल पुन मगर र सोहि ठाउँका २० वर्षीय राजन पुन मगरलाई पक्राउ गरिएको हो ।

उनीहरुको साथबाट ७० मिलिग्राम शुद्ध तौल भएको ब्राउनसुगर र भे १२ प ८५३० नम्वरको मोटरसाईकल बरामद गरिएको छ । 

प्रहरी निरीक्षक परियारका अनुसार त्रिवेणीको बिमैचा देखि सिम्रुतु बजारतर्फ आउँदै गरेको उक्त मोटरसाईकल शंका मानेर चेकजाँच गर्दा उनीहरुको साथबाट ब्राउन सुगर फेला पारिएको हो । 

पक्राउ परेका उनीहरु उपर रुकुम जिल्ला अदालतबाट पाँच दिनको म्याद थप गरेर थप अनुसन्धान भई रहेको प्रहरीले जनाएको छ ।