गणतन्त्र दिवसको अवसरमा आयोजित हाजिरीजवाफमा सरस्वती एडभान्स प्रथम

रुकुम पश्चिमको चौरजहारीमा हाजिरीजवाफ प्रतियोगिता सम्पन्न भएको छ । 

शुक्रबार गणतन्त्र दिवसको अवसरमा शीतल चौरजहारी बी ६७ ले आयोजना गरेको हाजिरीजवाफ प्रतियोगितामा चौरजहारी नगरपालिका १ मा रहेको सरस्वती एडभान्स इङलिस मिडियम बोडिङ स्कुलले प्रथम स्थान हात पार्न सफल भएको छ । 

आयोजक संस्थाका सचिव तिलक लामिछानेले दिनुभएको जानकारी अनुसार सरस्वती एडभान्स प्रथम भएको छ भने शीतल माध्यमिक विद्यालयले द्वितीय स्थान प्राप्त गरेको छ । त्यसैगरी भ्याली पब्लिक स्कुलले तृतीय स्थान प्राप्त गरेको छ । 

उत्कृष्ट स्थान प्राप्त गर्न सफल बिद्यालयका विद्यार्थीहरुलाई पुरस्कार समेत प्रदान गरिएको आयोजकले जनाएको छ । प्रतियागितामा विभिन्न १५ वटा विद्यालयले भाग लिएका थिए । 

त्यसैगरी सोहि अवसरमा आधारभूत तहको वक्तृत्वकला प्रयोगिता समेत सम्पन्न गरिएको छ । विभिन्न विद्यालयका १२ प्रतियोगिहरुले भाग लिएको प्रतियोगितामा आधारभूत विद्यालय लहरेसिमलका रोशनी परियार प्रथम हुनुभएको छ भने जनज्योती मावि सानाखोलाका समिक्षा शर्मा दोश्रो हुनुभएको छ । प्रतियोगितामा विजयश्वरी आविका युनिका जैसी र कालिका आविका समिक्षा केसीले तृतीय स्थान प्राप्त गरेको सचिव लामिछानेले जानकारी दिनुभयो । 

आयोजक शीतल चौरजहारी बी ६७ का उपाध्यक्ष सृष्टि गौतमको अध्यक्षतामा भएको कार्यक्रममा चौरजहारी नगरपालिकाका वरिष्ठ शिक्षा अधिकृत शेर प्रसाद ढकालको प्रमुख आतिथ्यता र शीतल क्याम्पस चौरजहारीका क्याम्पस प्रमुख रमेश लामिछानेको बिशेष आतिथ्यता रहेको थियो ।