रुकुममा चट्याङ लागेर एक व्यक्ति घाईते, दुई बाख्राको मृत्यु

रुकुम पश्चिममा चट्याङ लागेर एक व्यक्ति घाईते हुनुभएको छ । आज (सोमबार)  बेलुका पौने सात बजेको समयमा चट्याङ लागेर चौरजहारी नगरपालिका १४ तिमिले ढोलाटाकुरा निवासी ५१ वर्षीया खिमी खड्का घाईते हुनुभएको प्रहरी कार्यालयले जनाएको छ । 

जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरि प्रसाद पुनका अनुसार घरमा घर नजिकै परेकोले चट्याङबाट उहाँ घाईते हुनुभएको हो । 

बेहोस अवस्थामा रहनुभएकी खड्कालाई उपचारको लागि चौरजहारी अस्पताल लगिएको छ । 

चट्याङको कारण उहाँको दुई वटा बाख्राको मृत्यु भएको छ । खोरमा रहेका दुई बाख्रा मरेको खबर प्राप्त भएको प्रहरी निरीक्षक पुनले जानकारी दिनुभयो ।