जन्मदिनको अवसरमा बिरामीलाई फलफूल वितरण

रुकुम पश्चिमका एक युवाले आफ्नो जन्मदिनको अवसरमा अस्पतालमा उपचाररत बिरामीहरुलाई फलफूल वितरण गर्नुभएको छ । 

आठबिसकोट नगरपालिका ९ निवासी युवा ललित चन्दले आफ्नो जन्मदिन मनाउने क्रममा बिरामीहरुलाई फलफूल उपलब्ध गराउनुभएको हो । 

उहाँले आठबिसकोट नगरपालिका ९ स्थित नगर अस्पतालमा भर्ना भई उपचार गरिरहेका बिरामी र उहाँका कुरुवालाई फलफूल वितरण गर्नुभएको हो । 
चन्दले अस्पतालमा भर्ना भएका बिरामी र सुत्केरी गरेर ९ जना बिरामी र कुरुवालाई फलफूल वितरण गर्नुभएको हो । 

जन्मदिनमा गर्ने फजुल खर्च रोेकेर बिरामीहरुलाई फलफूल वितरण गरोके उहाँले बताउनुभयो । यससँगै यहाँले बिरामीहरुको स्वास्थ्य लाभको कामना समेत गर्नुभएको छ । यस अवसरमा चन्दले बिरामीहरुलाई फलफूलसँगै अस्पतालमा मल्टिप्लक समेत उपलब्ध गराउनुभएको छ । 

चन्दले गरेको यस्तो उदाहरणिय कार्य अरुका लागि समेत प्रेरणाको बिषय बनेको छ ।