रुकुम पश्चिममा अवैध रुपमा चिरान गरिएको ७६२ थान काठ बरामद

रुकुम पश्चिममा ठुलो परिणाममा काठ बरामद गरिएको छ । 

डिजिन वन कार्यालय रुकुम पश्चिमले आठबिसकोट नगरपालिका २ स्थित राष्ट्रिय वनक्षेत्रबाट अवैध रूपमा चिरान भएको काठ बरामद गरेको हो ।
कार्यालयका अनुसार ७६२ थान चिरान काठ बरामद गरिएको हो। 

कार्यालयले यस क्षेत्रमा लामो दुरीको वन गस्ती सञ्चालन गरेको थियो । सोहि क्रममा अवैध रुपमा चिरान गरिएको काठ बरामद भएको हो । 
कार्यालयले काठ चिरानमा संलग्न व्यक्तिहरुको खोजी कार्य भईरहेको जनाएको छ । 

बरामद गरिएको काठहरु डिभिजन वन कार्यालयमा ल्याईएको छ ।