पुथामा प्रारम्भिक सिकाइ तथा विकास मापदण्ड तालिम सुरु 

रुकुम पूर्वको पुथा उत्तरगङ्गा गाउँपालिकामा प्रारम्भिक सिकाई तथा विकास मापदण्ड (ELDS) सम्बन्धी १० दिने तालिमको सुरु भएको छ ।

प्रारम्भिक बालविकासका शिक्षकहरुको क्षमता विकासका लागि पुथा उत्तरगङ्गा गाउँपालिकाले तकसेरामा आयोजना गरेको उक्त तालिमको मंगलवार एक कार्यक्रम बिच उद्घाटन गरिएको हो ।

पुथा उत्तरगङ्गा गाउँपालिका रुकुम पूर्वको आयोजना यूनिसेफ नेपालरकालिका स्वावलम्वन सामाजिक केन्द्र कपिलवस्तुको समन्वय तथा सहकार्य र सेतो गुराँस राष्ट्रिय बालविकास सेवा नेपालको प्राबिधिक सहयोग रहेको उक्त तालिम चैत्र १७ गतेदेखि शूरु भई चैत्र २६ सम्म सञ्चालन हुने बताईएको छ ।

शिक्षा, बिज्ञान तथा प्रबिधि मन्त्रालय, शिक्षा तथा मानव स्रोत विकास केन्द्रले तयार गरेको प्रारम्भिक बालविकास तथा शिक्षाको पाठ्क्रममा आधारीत भएर पालिका भित्रका सामुदायिक बालविकास केन्द्रका शिक्षकहरुको क्षमता विकास गरी गुणस्तरीय बालविकास सेवा प्रवाह गर्न यो १० दिने तालिमको आयोजना गरिएको पुथा उत्तरगङ्गा गाउँपालिका शिक्षा, यूवा तथा खेलकुद शाखा प्रमुख राम प्रसाद खड्काले बताउनु भयो ।

प्रारम्भिक बालविकास शिक्षाको जग भएकोले शैक्षिक सुदृढिकरणको अभ्यास बालविकासबाटै गर्नुपर्ने आवश्यकताका आधारमा गाउँपालिकाले यो तालिमको आयोजना गरेको पुथा उत्तरगङ्गा गाउँपालिकाका सामाजिक विकास समिति संयोजक टिकासाई घर्तिले बताउनुभयो ।

संयोजक घर्तिले उद्घाटन सत्रलाई सम्बोधन गर्दै यो तालिमले बालविकासको मात्र नभई पालिकाको समग्र शैक्षिक अभ्यासमा सकारात्मक सन्देश प्रवाह हुने अपेक्षा रहेको बताउनु भयो । उहाँले सबै सहभागिलाई सक्रिय र दृढताका साथ तालिममा सहभागि भई बालविकासको शैक्षिक वातावरणलाई देखिने र अनुभूति गर्ने गरी सुधार गर्न अनुरोध गर्नुभयो । 

पुथा उत्तरगङ्गा गाउँपालिकाका सामाजिक विकास समिति संयोजक टिकासाई घर्तिको अध्यक्षतामा भएको उद्घाटन सत्रमा पालिकाका निमित्त प्रमुख प्रशासकिय अधिकृत शेर बहादुर बिसी, शिक्षा यूवा तथा खेलकुद शाखा प्रमुख राम प्रसाद खड्का, सेतो गुँरास राष्ट्रिय बालविकास सेवा नेपालका प्रशिक्षक राधा मल्ल र कालिका स्वावलम्वन सामाजिक केन्द्र कपिलवस्तुका शिक्षा प्राबिधिक अधिकृत केशव कुमार बिसीको आतिथ्यता रहेको थियो ।

उक्त तालिममा पालिका भित्रका बालविकास केन्द्रका २४ जना शिक्षक र शिक्षा, यूवा तथा खेलखुद शाखाबाट १ जना गरी २५ जनाको सहभागिता रहेको छ भने सेतो गुँरास राष्ट्रिय बालविकास सेवा नेपालका प्रशिक्षक राधा मल्लले सहजीकरण गरिरहनु भएको छ ।