एसइइमा रुकुम पूर्वबाट ९१३ परीक्षार्थी सहभागी हुँदै

आगामी २०८२ चैत्र १९ गतेबाट सञ्चालन हुने शैक्षिक बर्ष २०८२ को माध्यमिक शिक्षा परीक्षा (एसइइ)मा रुकुम पूर्वबाट ९ सय १३ परीक्षार्थि सहभागी हुने भएका छन् । जसमध्ये ४ सय ७४ छात्रा र ४ सय ३९ छात्र रहेका छन् ।

शिक्षा विकास तथा समन्वय इकाइ रुकुम पूर्वले २०८२ चैत्र १० गते एक सूचना जारी गरी नियमित तर्फका ७ सय ४३ र ग्रेडबृद्धि तर्फका १ सय ७० गरी जम्मा ९ सय १३ परीक्षार्थि एसइईमा सहभागी हुने बताएको छ ।

जम्मा परीक्षार्थिहरुमध्ये ७ सय ९ जना परीक्षार्थि साधारण धार तर्फका र ३४ जना परीक्षार्थि प्राबिधिक धार तर्फका रहेका छन् ।

माध्यमिक शिक्षा उत्तिर्ण परीक्षा समन्वय समितिको मिति २०८२ पौष ३० गतेको निर्णय र सिफारीसका आधारमा परीक्षा नियन्त्रण कार्यालय सानोठिमी भक्तपुरले रुकुम पूर्वका ८ विद्यालयमा परीक्षा केन्द्र कायम गरेको शिक्षा विकास तथा समन्वय इकाई रुकुम पूर्वका इकाई प्रमुख तिलक गौतमद्वारा हस्ताक्षरित सूचनामा भनिएको छ ।