सिम्रुतु खोलामा एक पुरुषको शव फेला

रुकुम पश्चिमको त्रिवेणी गाउँपालिका २ सिम्रुतुस्थित रुघाखोलामा एक पुरुषको शव फेला परेको छ । 

बिहिबार बिहान सोहि वडा निवासी ४६ वर्षीय लालबहादुर कठायतको शव खोलामा फेला परेको हो । 

जिल्ला प्रहरी कार्यालयका प्रमुख, प्रहरी नायब उपरिक्षक बेदबहादुर पौडेलका अनुसार खोलाको पानीमा कठायतको शव फेला परेको हो । घर भन्दा करिब दुई किलोमिटर टाढाको दुरीमा रहेको खोलामा शव देखिएको र घटनास्थलमा प्रहरी पुगेको डिएसपी पौडेलले जानकारी दिनुभयो । 

मृत्युको कारण भने खुल्न सकेको छैन । घटनाको थप अनुसन्धान सुरु गरिएको छ ।