रुकुम पश्चिमको बास्तोलामा मोटरसाईकल दुर्घटना हुँदा एक जनाको मृत्यु, चालक घाईते
रुकुम पश्चिममा मोटरसाईकल दुर्घटना हुँदा एक जनाको मृत्यु भएको भने एक जना घाईते भएका छन् ।
बिहिबार बेलुका बाँफिकोट गाउँपालिका ७ बास्तोलामा क.प्र. ०३००१ प ०६१३ नम्वरको मोटरसाईकल दुर्घटना हुँदा सोहि वडा निवासी ४६ वर्षीय झलक खत्रीको मृत्यु भएको प्रहरीले जनाएको छ ।
जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरि प्रसाद पुनका अनुसार नदुवाबाट राडीतर्फको भित्रि सडकमा जाँदै गरेको उक्त मोटरसाईकल बास्तोलामा दुर्घटना भएको हो । दुर्घटनामा परेर मोटरसाईकल चालक बाँफिकोट गाउँपालिका ७ चिमारचौर निवासी २९ वर्षीय हरिभान खत्री घाईते हुनुभएको छ ।
मोटरसाईकल अनियन्त्रित भएर सडकको नालामा पल्टिदा दुबैजना घाईते भएका थिए । गम्भिर अवस्थाका खत्रीलाई उपचारको लागि जिल्ला असपताल सल्ले पुर्याएको बेला चिकित्सकले मृत घोषणा गरेको प्रहरी निरीक्षक पुनले जानकारी दिनुभयो ।
रुकुम पश्चिममा बोलेरो, मोटरसाइकल र अटो एकआपसमा ठोक्किँदा एक जनाको मृत्यु, दुई जना घाइते
विद्यालयको छतबाट लडेर विद्यार्थीको हात र खुट्टा भाँचियो
रुकुम पूर्वमा अटो दुर्घटना हुँदा एउटै घरका जेठानी देउरानीको मृत्यु, चार जना घाईते
रुकुममा ट्याक्टर दुर्घटना हुँदा चालकको मृत्यु
नेपालगन्जबाट रुकुम पश्चिम आउँदै गरेको फोर्स गाडी दुर्घटना, बालकसहित पाँचजना घाइते
रुकुम पूर्वमा अटो र मोटरसाईकल ठोक्किँदा सात जना घाईते
