विद्यालयको छतबाट लडेर विद्यार्थीको हात र खुट्टा भाँचियो

रुकुम पश्चिमको एक विद्यालयमा पढ्न गएका एक विद्यार्थी विद्यालयको छतबाट लडेर घाईते भएका छन् । 

चौरजहारी नगरपालिका १२ स्थित जनकल्याण माध्यमिक विद्यालय सानानाखाेलाका छात्र प्रशान्त भनिने तिलक बिक विद्यालयको छतबाट लडेर घाईते भएका हुन् । कक्षा ६ मा अध्ययन गर्ने बिक सोमबार दिउँसो विद्यालयको छतबाट लडेको विद्यालयका प्रधानाध्यापक झुपलाल शर्माले जानकारी दिनुभयो । 

घटना लगत्तै घाईते अवस्थाका विद्यार्थीलाई उपचारको लागि चौरजहारी अस्पताल लिईएको थियो । प्रधानाध्यापक शर्माले विद्यार्थीको बायाँ हात र खुट्टा भाँचिएको जानकारी दिनुभयो । थप उपचार तथा चेकजाँचको लागि नेपालगञ्ज रिफर गरिएको उहाँले जानकारी दिनुभयो । 
विद्यालयका घेराबारको अभाव रहेको छ ।