दसैं तिहारको अवसरमा रुकुममा द लिजेन्ड कप फुटबल प्रतियोगिता हुँदै

यस वर्षको दसैं तिहारको अवसरमा रुकुम पश्चिमको मुसिकोट खलङ्गामा द लिजेन्ड कप फुटबल प्रतियोगिता हुने भएको छ । खलङ्गा ब्वाइज समुहले रुकुम बक्सिङ क्लबको सहयोगमा एभेन ए साइड फुटबल प्रतियोगिता आयोजना गरेको हो । 

आयोजक समुहका सुदन थापाका अनुसार प्रतियोगिताको विजेताले एक लाख ११ हजार १११  र उप विजेताले ५५ हजार ५५५ रुपियाँ पुरस्कार पाउने छन् । वेस्ट प्लेयरले पाँच हजार पाउँने र फेयर प्ले अवार्डको पुरस्कार पाँच हजार राखिएको छ । 

आयोजकका अनुसार टप स्कोरर, वेस्ट गोल किपर, इमर्जिङ प्लेयर र वेस्ट डिफेन्डरले समान ३/३ हजार पुरस्कार पाउने छन् । प्रतियोगितामा सहभागिताका लागि ६ हजार दर्ता शुल्क र कार्डको एक हजार जम्मा गर्नुपर्ने नियम बनाईएको छ । 

प्रतियोगितामा एउटा टिमबाट ७ जनाले खेल्ने छन् । प्रतियोगितामा सहभागिताका लागि असोज ६ गते बिहान १० बजेसम्म टिम दर्ता गर्न सकिने छ भने असोज ६ गतेबाट खलङ्गाको बराहटाकुरामा खेल सञ्चालन हुने छ ।