कर्मचारी युनियन स्थापना दिवस : अस्पताल र आश्रममा फलफूल वितरण

नेपाल निजामती कर्मचारी युनियनको ३५ ओैं स्थापना दिवसकाे अवसरमा फलफूल वितरण गरिएको छ । 

नेपाल निजामती कर्मचारी युनियन रुकुम पश्चिमले मुसिकोट नगरपालिका -१ स्थित जिल्ला अस्पताल सल्ले र बुद्ध भूमी सेवा आश्रममा फलफूल वितरण गरेको हो । 

नेपाल निजामती कर्मचारी युनियन रुकुम पश्चिमका कार्यवाहक अध्यक्ष राजेन्द्र बिसीका अनुसार अस्पतालमा भर्ना भएका बिरामी र कुरुवा समेत गरेर ४५ जनालाई स्याउ, केरा लगायतका फलफूल वितरण गरिएको हो । त्यसैगरी बुद्ध भूमी सेवा आश्रममा पनि १७ सेट फलफूल वितरण गरिएको छ । 

अस्पतालका बिरामीहरुलाई फलफूल वितरणका साथै उहाँहरुको स्वास्थ्य लाभको कामना समेत गरिएको कावा अध्यक्ष बिसीले जनाउनुभयो । 

फलफूल वितरण कार्यक्रममा नेपाल निजामती कर्मचारी युनियनका केन्द्रिय सदस्य लक्ष्मण शाह, नेपाली काँग्रेस रुकुम पश्चिमका सह सचिव यज्ञबहादुर बिष्ट, मुसिकोट नगर सभापति प्रेम बहादुर ओली, वडा नम्वर २ का वडा अध्यक्ष दिनेश खड्का, वडा नम्वर १ का वडा सदस्य अन्जना केसी, अस्पताल विकास समितिका अध्यक्ष टेकबहादुर कुसारी, कर्मचारी युनियनका पुर्व अध्यक्ष देवबहादुर ओली र रामबहादुर केसी लगायत महाधिवेशन तथा प्रदेश प्रतिनिधिहरु, जिल्ला अस्पतालका चिकित्सक तथा अन्य स्वास्थ्यकर्मी लगायतको उपस्थिति रहेको थियो । 

नेपाल निजामती कर्मचारी युनियनका कार्यवाहक अध्यक्ष राजेन्द्र बिसीको अध्यक्षतामा भएको फलफूल वितरण कार्यक्रमको सञ्चालन सचिव प्रेम खड्काले गर्नुभएको थियो ।