सल्यान - रुकुमको सिमाना खौलामा बोलेरो र ट्रक ठोक्किए

रुकुम पश्चिम र सल्यान जिल्लाको सिमाना नजिकै बोलेरो गाडी र मिनी ट्रक एक आपसमा ठोकिएका छन् । 

सोमबार दिउँसो त्रिवेणी गाउँपालिका -३ खौलास्थित राप्ती राजमार्गमा दाङबाट रुकुम पश्चिम तर्फ आउदै गरेको रा १ च १७२९ नम्वरको कुखुराको दाना बोकेको बोलेरो गाडी र विपरीत दिशाबाट जाँदै गरेको रा१ ख २९१६ नम्वरको मिनी ट्रक एक आपसमा ठोकिएको प्रहरीले जनाएको छ । 

बोलरो गाडीको चालक सल्यानको दार्मा गाउँपालिका ५ निवासी २६ वर्षीय सुन्दर केसी र मिनी ट्रकको चालक रुकुम पश्चिमको सानीभेरी गाउँपालिका १० निवासी ३८ वर्षीय धनिराम कामी रहेको प्रहरीले जनाएको छ । 

दुर्घटनाबाट कुनैपनि मानविय क्षति भएको छैन । बोलेको गाडीको अगाडीको भागमा भने क्षति भएको छ ।