त्रिवेणीबाट मुसिकोट आउँदै गरेको जिप दुर्घटना हुँदा सात जना घाईते

शुक्रबार बिहान रुकुम पश्चिमको त्रिवेणी गाउँपालिका २ सिम्रुतु बजार नजिकै जिप दुर्घटना भएको छ । 

राप्ति राजमार्गमा त्रिबेणी गाउँपालिका १ रुघाबाट मुसिकोट खंलगातर्फ जाँदै गरेको लु १ ज ४११२ नम्वरको जिप अनियन्त्रित भई सडकको मोडमा दुर्घटना भएको हो । 

जिल्ला प्रहरी कार्यालय रुकुम पश्चिमका अनुसार दुर्घटनामा परेर चालक सहित सात जना घाईते भएका छन् ।

घाईते हुनेहरुमा त्रिवेणी गाउँपालिका २ सिम्रुतु निवासी ३२ वर्षीय जिप चालक प्रेम खड्का, त्रिबेणी गाउँपालिका १ बस्ने ८४ बर्षिय शसे घर्ती, सोहि वडा निवासी २० वर्षीया सरिता के.सी., २८ वर्षीया सुनिता के.सी., त्रिवेणी गाउँपालिका २ बस्ने २२ वर्षीया गीता ओली, मुसिकोट नगरपालिका १३ निवासी ४० वर्षीया सपना परियार र मुसिकोट नगरपालिका ५ निवासी ५३ वर्षीया शिव कुमारी शर्मा रहेको प्रहरीले जनाएको छ । 

घाईतेहरु सबैलाई उपचारको लागि जिल्ला अस्पताल सल्लेमा ल्याईएको छ । उनीहरुको अवस्था सामान्य रहेको बताईएको छ । 

जिपमा रहेका १० जना मध्य अन्य तीन जना भने सकुशल रहेका छन् । जिप अनियन्त्रित भई मोडमा पल्टिएको र थप अनुसन्धान सुरु गरिएको प्रहरीले जनाएको छ ।