सानीभेरीमा जिप र सरकारी नम्वर अंकित मोटरसाईकल ठाेक्किदा दुई जना घाईते

रुकुम पश्चिमको सानीभेरी गाउँपालिका -९ हाँसिवाङमा जिप र मोटरसाईकल ठोक्किदा दुई जना घाईते भएका छन् ।

शनिबार बेलुका हाँसिवाङस्थित मध्यपहाडि लोकमार्गमा दुलितर्फ जाँदै गरेको ग १ ज ४०३५ नम्वरको जिपले विपरित दिशातर्फबाट आउँदै गरेको भे १ ब १२२९ नम्वरको सरकारी नम्वर प्लेट भएको मोटरसाईकललाई ठक्कर दिएको प्रहरीले जानकारी दिएको छ । 

ठक्करपछि मोटरसाईकल चालक सानीभेरी गाउँपालिका -९ निवासी ४१ वर्षीय भद्रबहादुर पुन र सोही स्थानकी ४३ बर्षीया प्रेमकला गुरुङ घाईते हुनुभएको छ । घाईतेहरुलाई उपचारको लागि जिल्ला अस्पताल सल्लेमा ल्याइएको प्रहरीले जनाएको छ ।

पुनको दाहिने खुट्टाका साथै शरिरका विभिन्न भागमा र गुरुङको दुबै खुट्टामा चोट लागेको बताईएको छ । घाईतेहरुको अवस्था सामान्य रहेको छ । 

प्रहरीले जिप चालक सानीभेरी गाउँपालिका -३ निवासी लक्ष्मण खड्का, जिप र मोटरसाईकललाई नियन्त्रणमा लिएको छ ।