खलङगामा बसको ठक्करबाट पैदल यात्री घाईते

रुकुम पश्चिमको मुसिकोट नगरपालिका १ त्रिवेणी चोकमा बसको ठक्करबाट एक पैदल यात्री घाईते हुनुभएको छ । 

आज (शुक्रबार) दिउँसो) मुसिकोट नगरपालिका ४ को शिलपोखरीबाट मठतर्फ जाँदै गरेको लु १ ख ७२८८ नम्वरको बसले मुसिकोट नगरपालिका ५ नयाँगाउँ निवासी ३० वर्षीया बिमला रोकायलाई ठक्कर दिएको हो । 

जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरिप्रसाद पुनका अनुसार घाईते रोकायको टाउकोमा चोट रहेको छ । उहाँलाई उपचारको लागि जिल्ला अस्पताल सल्लेमा लिईएको छ ।

उहाँको अवस्था मध्यम रहेको बताईएको छ । बस चालक सल्यानको बागचाैर नगरपालिका ४ बस्ने ३९ वर्षीय चन्द्र प्रकाश बिक प्रहरी नियन्त्रणमा रहेको बताईएको छ ।