पानीको जार बोकेको ट्रक सिम्रुतुमा दुघर्टना हुँदा दुई जना गम्भीर घाइते

राप्ती राजमार्ग अन्तर्गत रुकुम पश्चिमको त्रिवेणी गाउँपालिका -२ सिम्रुतु नजिकै मिनी ट्रक दुर्घटना भएको छ ।

दाङ घोराहीबाट पानीको जार बोकेर आउँदै गरेको १४१२ नम्बरको मिनी ट्रक बिहीबार बेलुका दुर्घटना भएको हो ।

ट्रक दुर्घटना हुँदा चालकसहित दुई जना गम्भीर घाइते भएको प्रहरीले जनाएको छ । जिल्ला प्रहरी कार्यालय रुकुम पश्चिमका अनुसार रारा प्रोसेसिङ कम्पनी प्रा.लि . द्वारा सञ्चालित मिनि ट्रक दाङबाट  रुकुम पश्चिमको खलंगातर्फ आउँदै गरेको बेला दुर्घटना भएको हो ।

दुर्घटनामा परेर दाङ घोराही उपमहानगरपालीका १० बस्ने ४५ वर्षीय चालक भुपेन्द्र महत र अर्का सह चालक घाइते हुनुभएको छ । ट्रक ब्रेक फेल भई दुर्घटना हुदा सडक भन्दा दुई सय मिटर तल खसेको बताइएको छ ।

दुर्घटनामा घाइते भएका दुवै जनाको अवस्था गम्भीर रहेको प्रहरीले जनाएको छ ।

सह चालकको नाम ठेगाना भने खुलेको छैन । दुवै जनालाई उपचारको लागी जिल्ला अस्पताल सल्लेमा ल्याइएको छ ।