बाँफिकोटबाट एक भरुवा बन्दुकसहित दुई युवा पक्राउ

रुकुम पश्चिममा भरुवा बन्दुकसहित दुई युवा पक्राउ परेका छन् । 

रुकुम पश्चिमको सानीभेरी गाँउपालिका -५ घापागार निवासी २६ वर्षीय नन्दलाल पुन र सोही स्थानका २२ वर्षीय किरण पुन मगरलाई पक्राउ गरेको जिल्ला प्रहरी कार्यालय रुकुम पश्चिमले जनाएको छ । उनीहरूको साथबाट एक थान भरुवा बन्दुक बरामद गरिएको छ । 

प्रहरी नायब उपरीक्षक (डिएसपी) प्रमेश बिष्टले दुवै जनालाई बुधबार राति बाँफिकोट गाँउपालिका -७ गोरेकाडाँबाट पक्राउ गरिएको जानकारी दिनुभयो । 

इलाका प्रहरी कार्यालय बाँफिकोटबाट चेकिङको लागि खटिएको पैदल गस्ती टोलीले चेकजाचँ गर्ने क्रममा मग्माबाट छिनखेततर्फ जादै गर्दा उनीहरूलाई पक्राउ गरेको हो । 

उनीहरू रा ५ प ६८५९ नम्बर को मोटरसाइलमा एक नाल भरुवा बन्दुक बोकेर गईरहेको बताइएको छ । डिएसपी बिष्टले बन्दुकसहित दुवै जनालाई नियन्त्रणमा लिएर थप अनुसन्धान सुरु गरिएको जानकारी दिनुभयो ।